മലയാളം വൊക്കാബുലറി പഠിച്ചുതുടങ്ങുമ്പോൾ നമുക്ക് ആദ്യം വാക്യങ്ങളിൽ കടന്നുവരാറുള്ള തെറ്റുകൾ നോക്കാം. മിക്കവാറും ഉദ്യോഗാർത്ഥികൾക്ക് നെഗറ്റിവ് മാർക്ക് മേടിച്ചുകൊടുക്കുന്ന ഒരു ചോദ്യം ആണിത്. അതിനാൽ ശരി എന്ന് ഉറപ്പുണ്ട് എങ്കിൽ മാത്രം അറ്റൻഡ് ചെയ്‌താൽ മതി.
- "ഉം" എന്ന പദം ഉപയോഗിച്ച് കൂടിച്ചേർക്കപ്പെടുമ്പോൾ
ഉദാ:
കുട്ടൂസൻ ആദ്യവും പിന്നീട് ലുട്ടാപ്പിയും താഴെ വീണു [തെറ്റ്]
ആദ്യം കുട്ടൂസനും പിന്നീട് ലുട്ടാപ്പിയും താഴെ വീണു [ശരി]
വിക്രമൻ ഇല്ലാത്തതിനാലും പൂട്ട് തുറക്കാൻ പറ്റാത്തത് കൊണ്ടും മുത്തു നിരാശനായി [തെറ്റ്]
വിക്രമൻ ഇല്ലാത്തതിനാലും പൂട്ട് തുറക്കാൻ പറ്റാത്തതിന്നാലും മുത്തു നിരാശനായി [ശരി]
- കൂടി, ഒരു, തന്നെ, കൊണ്ട്, എന്നാൽ, എന്നിട്ട്, പക്ഷെ തുടങ്ങിയവ ആവശ്യമില്ലാതെ ഉപയോഗിക്കുന്ന കൊണ്ടുള്ള തെറ്റുകൾ
ഉദാ :
ചെയ്യുന്നത് അവർക്കും കൂടി അറിയാം [തെറ്റ്]
ചെയ്യുന്നത് അവർക്കും അറിയാം [ശരി]
ഞങ്ങൾക്കെല്ലാം നല്ല സെൽ കിട്ടി എന്നാൽ ദിലീപിന് മാത്രം നല്ല സെൽ കിട്ടിയില്ല [തെറ്റ്]
ഞങ്ങൾക്കെല്ലാം നല്ല സെൽ കിട്ടി ദിലീപിന് മാത്രം നല്ല സെൽ കിട്ടിയില്ല [ശരി]
ഞാൻ എല്ലാ രാജ്യത്തും പോയിട്ടുണ്ട് പക്ഷെ പാക്കിസ്ഥാനിൽ മാത്രം കയറ്റിയില്ല [തെറ്റ്]
ഞാൻ എല്ലാ രാജ്യത്തും പോയിട്ടുണ്ട് പാക്കിസ്ഥാനിൽ മാത്രം കയറ്റിയില്ല [ശരി]
- സംഖ്യ ശബ്ദം വിശേഷണമായി വന്നാൽ ബഹുവചനം ആവശ്യമില്ല
ഉദാ:
ബാഹുബലിക്ക് അഞ്ച് പനകൾ വേണം [തെറ്റ്]
ബാഹുബലിക്ക് അഞ്ച് പന വേണം [ശരി]
- സാധാരണ കണ്ടുവരാറുള്ള മറ്റ് തെറ്റുകൾ
അവർ തമ്മിൽ അജഗജാന്തര വ്യത്യാസമുണ്ട് [തെറ്റ്]
അവർ തമ്മിൽ അജഗജാന്തരമുണ്ട് [ശരി]
കൃഷിരീതികളെ ആധുനീവല്ക്കരിക്കേണ്ടതാണ് [തെറ്റ്]
കൃഷിരീതികളെ ആധുനികീകരിക്കേണ്ടതാണ് [ശരി]
വേറെ\മറ്റു ഗത്യന്തരമില്ലാതെ അയാൾ കടലിൽ ചാടി [തെറ്റ്]
ഗത്യന്തരമില്ലാതെ അയാൾ കടലിൽ ചാടി [ശരി]
സുഖവും അതിനേക്കാൾ ഉപരി ദുഃഖവും ചേർന്നതാണ് ജീവിതം [തെറ്റ്]
സുഖവും അതിനേക്കാൾ ദുഃഖവും ചേർന്നതാണ് ജീവിതം [ശരി]
നല്ലയിനം ഇറച്ചിക്കോഴികൾ വിൽക്കപ്പെടും [തെറ്റ്]
നല്ലയിനം ഇറച്ചിക്കോഴികളെ വിൽക്കും [ശരി]
അദ്ദേഹത്തെ ഹാർദ്ദവമായി സ്വാഗതം ചെയ്യുന്നു [തെറ്റ്]
അദ്ദേഹത്തെ ഹാർദ്ദമായി സ്വാഗതം ചെയ്യുന്നു [ശരി]
ഏതാണ്ട് ആയിരത്തോളം പേർ ഒത്തുകൂടി [തെറ്റ്]
ആയിരത്തോളം പേർ ഒത്തുകൂടി [ശരി]
മലയാള ശൈലികൾ
മലയാളത്തിൽ നിലവിലിരിക്കുന്ന\നില നിന്നിരുന്ന ശൈലിയുടെ അർത്ഥങ്ങൾ പരീക്ഷകളിൽ സ്ഥിരമുള്ള സാന്നിധ്യമാണ്. നാം നിത്യം പ്രയോഗിക്കുന്നവ ആണെങ്കിൽ കൂടെ, അതിൻറെ യഥാർത്ഥത്തിൽ ഉള്ള അർത്ഥത്തെ കുറിച്ച് പരീക്ഷയുടെ സമയത്ത് വരെ നമ്മൾ ചിന്തിച്ചിട്ടുണ്ടാകില്ല എന്നുള്ളതാണ് വസ്തുത. ആ പ്രയോഗങ്ങളിലേക്ക്
മുട്ടുശാന്തി - താൽക്കാലിക പരിഹാരം
ഊഴിയം നടത്തുക - ആത്മാർത്ഥതയില്ലാതെ പ്രവർത്തിക്കുക
ആലത്തൂർ കാക്ക - ആശിച്ചു കാലം കഴിക്കുന്നവൻ
മൊന്തൻപഴം - കൊള്ളാത്തവൻ
ആനവായിലമ്പഴങ്ങ - ചെറിയ നേട്ടം
വെട്ടൊന്ന് മുറി രണ്ട് - ഉറച്ചുള്ള മറുപടി
മഞ്ഞളിക്കുക - ലജ്ജിക്കുക
പകിട പന്ത്രണ്ട് - നന്മ വരുക
ഉറിയിൽ കയറ്റുക - അബദ്ധത്തിൽ ചാടിക്കുക
ആറാട്ട് കൊമ്പൻ - പ്രതാപി
കോവിൽ കാള - തിന്നുമുടിച്ചു നടക്കുന്നവൻ
തൊലിയുരിച്ച ഓന്ത് - വല്ലാത്ത സ്ഥിതിയിൽ അകപ്പെട്ടവൻ
നാരകത്തിൽ കയറ്റുക - പുകഴ്ത്തി ചതിക്കുക
അമ്പലം വിഴുങ്ങുക - കൊള്ളയടിക്കുക
കാക്കപ്പൊന്ന് - വിലയില്ലാത്ത വസ്തു
പള്ളിയിൽ പറയുക - വിലപ്പോവാതിരിക്കുക
ഇല്ലത്തെ പൂച്ച - എവിടെയും പ്രവേശനം ഉള്ളവൻ
മാർക്കടമുഷ്ടി - ശാഠ്യം
ശവത്തിൽ കുത്തൽ - അവശനെ ഉപദ്രവിക്കൽ
മുതലക്കണ്ണീർ - ദുഃഖം അഭിനയിക്കൽ
ഇരുതല കൊളുത്തി - ഏഷണിക്കാരൻ
കടന്നൽ കൂട്ടിൽ കല്ലെറിയുക - സ്വയം അപകടത്തിൽപ്പെടുക
കൂപമണ്ഡൂകം - അല്പജ്ഞൻ
ചക്രം ചവിട്ടുക - കഷ്ടപ്പെടുക
ചർവ്വിതചർവ്വണം - പറഞ്ഞതുതന്നെ പറയുക
ത്രിശങ്കു സ്വർഗ്ഗം - അങ്ങുമിങ്ങുമില്ലാത്ത അവസ്ഥ
വനരോദനം - ആരും കേൾക്കാനില്ലാത്ത വിലാപം
വിഹഗവീക്ഷണം - ആകപ്പാടെയുള്ള നോട്ടം
(തുടരും)
No comments:
Post a Comment